Лола

Лола - (форсӣ). لالھ шабеҳи гули лола, маҳбубаи зебо, хушрӯй

Лола لاله 1. гули асосан сурхранги даштӣ ва кӯҳӣ, ки дорои анвои бисёр мебошад, дар аввали баҳор мешукуфад ва дар миёнаи баргҳо доғе дорад; он гулест маъруф, ки чанд қисм мебошад; гулҳои пиёздор, сурхранг, он бисёр машҳур аст; номи гуле ба ранги сурх; шақоиқ бувад ба тозӣ ва шанбалид низ гӯяндаш; навъе гули сурхранг, ки миёни он лаккаҳои зиёд дорад;

Ёқутвор лола, бар барги лола жола,
Карда бар ӯ ҳавола ғаввос дурри дарё.
(Кисоӣ)

2.киноя аз рӯи сурхи ҷавонӣ;

Ман, ки сарсабзиям намонд чу бед,
Лола зарду бунафша гашт сафед.
(Низомии Ганҷавӣ)