Ҷамил

Ҷамил - (арабӣ). جمیل хушрӯй, зебо, соҳибҷамол, некӯсурат

Ҷамил (арабӣ) جميل 1.зебо, хушрӯй, соҳиби ҳусн, ҳасан;

Маъшуқа агар ҷамил набвад,
Ошиқ ба раҳаш залил набвад.
(Ҷомӣ)

2.мақбул, писанд, писандида, дилкаш;

Бар изораш нилгун хатте ҷамил,
Равнақи Мисри ҷамолаш ҳамчу Нил.
(Ҷомӣ)

3.соф, афиф, пок, орӣ аз нопокӣ, тоза, беғаш;

Партави шоҳиди ишқ аст ҷамоли рухи мард,
Кай кунад майли ҷамол, он ки ба дил нест ҷамил.
(Абдурраҳмони Ҷомӣ)

4.нигаред ба Абдуҷамил.